Ilakkiyan

  கொடியது உலகில் எது என்றால் காதலே! அடிமைகள் உலகில் யார் என்றால் காதலர்களே! உள்ளுள் இருந்து வெல்லும் பகை காதல்! மெல்ல உயிரைக் கொல்லும் நஞ்சு காதல்!                                -இலக்கியன் 

  குரங்காய் இருந்து மாறியது உடம்பு குரங்கிலிருந்து மாறவே இல்லை குணம்.                                                         -இலக்கியன் 

  வெல்ல நினைப்பவனை வெல்லும் ஆயுதம் அறிவு கொல்ல வருபவனைக் கொல்லும் ஆயுதம் அறிவு பண ஆயுதப் படையையும் ஒழிக்கும் மன ஆயுதம் அறிவு பல்லாயுதப் படையையும் வெல்லும் வல்லாயுதம் அறிவு போர் அறிவிற்கும் அறிவின் பகைக்கும் போர் போர் அறிவிற்கும் அறியாமைக்கும் போர் போர் அறிவாளிக்கும் அறிவிலிக்கும் போர் போர் அறிவாயுத்திற்கும் மடவாயுதத்திற்கும் போர் போர்க்களத்தில் அறிவை வெல்லுமோ மடமை போர்க்களத்தில் அறிவைக் கொல்லுமோ மடமை புறமுதுகிட்டு ஓடும் - அல்லது புறமுதுகில் குத்துப்பட்டுச் சாகும்.                                  -இலக்கியன் 

  பிறப்பும் இறப்பும் கொண்டது பிறவி மறப்பும் நினைவும் கொண்டது மூளை தலையும் பூவும் கொண்டது நாணயம் தலைவனும் தலைவியும் கொண்டது இல்லறம் நன்மையும் தீமையும் கொண்டது உலகம் உண்மையும் பொய்யும் கொண்டது வாய் வெப்பமும் குளிரும் கொண்டது காலம் வேட்கையும் வெறுப்பும் கொண்டது மனம் இரவும் பகலும் கொண்டது நாள் இன்பமும் துன்பமும் கொண்டது வாழ்க்கை.                                          -இலக்கியன்

  நான் படுத்திருந்து பார்த்தேன் மலையாக இருந்தது! நான் எழுந்து நின்று பார்த்தேன் கடுகாக ஆனது!! நான் கீழிருந்து பார்த்தேன் கடலாக இருந்தது! நான் மேலிருந்து பார்த்தேன் துளியாக ஆனது!! நான் அதிர்ந்து பார்த்தேன் துன்பமாக இருந்தது! நான் உணர்ந்து பார்த்தேன் இன்பமாக ஆனது !! நான் சுமக்க மறுத்தேன் சுமையாக இருந்தது! நான் சுமந்து பழகினேன் இலகுவாக ஆனது!! நான் பயத்தோடு பார்த்தேன் கடிக்க வந்தது! நான் துணிவோடு பார்த்தேன் ஓடிவிட்டது!!                                          -இலக்கியன்